من طرف هاي يا جماعة عارفين انا مين
انا بنت بدها تبين حقيقة المعلمين
انا تعبت زهقت صرت مسكين
يوم وطنية ويوم كيمياء
وقواعد و مهارات و احياء عن الجين
يعني لمتى و يعني بعدين
احنا بنات على المعلمات مش فاهمات
لانه المعلمات مش شارحات
وعلامات احنا مش جايبات
والمعلمات النا مش داعمات
وطبعا بهادل ماكلات
وعلى الدار مروحات
وفي الترويحة في الشارع ملعونات
وشغل في الدار مشتغلات
وبالاخيرفينا مش حاسين
قولي للمس مش فاهمة
بتقولك ليش انتي مين
هاد غير معلمية الدين
بتحكي يا بنات حرام و حرام حرام
وبتيجي ثاني يوم و مخالفة الكلام
و عاملة اللي ما بينعمل و بتقول سلام
بس مش في العربي بالانجليزي و الفرنسي هيك تمام
وايام بتشبه شرطي المرور و ايام
بتكون معلمة فعلا تمام
بس في كومنت على هاد الكلام
مش صوت المرأة عورة
طب ليش السريخ و الصورة
يعني اسمحيلي انتي قدوتنا
فلما تعملي شغلة ضد كرامتنا
كيف بتطلبي احترامنا و ابتسامتنا
هاد غير معلمة اسمها انغام
شكلها بشبه مي عز الدين فدور نسمة هيك تمام
بتدخل علينا و بتبهدل كمان
بتعصب و بتنفجر فينا زي الالغام
و فاضحيتنا فكل مدينة و فكل مكان
وما في عندها لا تفاوض و لا سلام
برأيها هي الصح و غيرها غلطان
ليش بتعصبي و بتعملي قلق
وكمان بدون ادناها حق
اه يا قلبي قلبي احرق
واللي قال احنا في متيسة و الله صدق
وهسة كيف حال المديرة
يعني فعلا انها بعيني صغيرة
بتعمل بين المعلمات مشاكل كبيرة
يعني بتوسوس زي الشيطان
وهي سبب في مصايب كثيرة
وما بنشوفها الا بوجود المشرف
وبعد ما يروح بتصير زي وحش مقرف
بتركض على كرسيها و هي بترجف
خايفة حنان تاخده و تخطف
احلام المديرةو الماضي القديم
المديرة و المساعدة او نو هاد شي اليم
مس حنان الك اعظم سلام
لانك فعلا بتشفي الغليل
كونك قوية واللي بهابوك اكبر دليل
اي المديرة خايفة منك مو من قليل
خايفة توخدي كرسيها و تسرقيه
وتخلي المدرسة توقف على ايد و رجل و ما تخلي ايشي و ما تعمليه
بس وين هي النائبة بتخليكي
رح تقلك هي انتي شو صاير فيكي
وين رايحة هو انا بخليكي
هاي المس مس جميلة
اسم على غير مسمى هاي ثقيلة
بس هاي المس انا حاقد عليها
لو تشوفوا جدول امتحاناتي
لتقولو الله لا يبارك فيها
هاي بدهاش تنجحنا
وبدها تخرب مستقبلنا
مين قال احنا فاشلين
احنا رواد المستقبل احنا ناجحين
كل كلامي ما بيعني انه المعلمات
كلهن ما بفهمن و كلهن سيئات
لا على العكس و بشهادة البنات
احلى تحية لمس الاحياء و الرياضيات
واجمل طاقات الوردلمس الفيزياء الغالية
اللي بتخلي معنوياتنا دايما عالية
هاد غير معلمية علوم الارض
هاي تشجيعنا و الضحك معنا عندها فرض
وهاد غير في حصة الانجليزي
او نو ذات سو ايزي
وبالاخير بحب اقدم احلى تحية و احلى سلام
لاحلى مس و لا في الاحلام
تحية لمس رنا بلسم الجروح و الالام
مس رنا مش رح ننساك على طول الايام
ذات ست
