من طرف الروح الإثنين يوليو 26, 2010 12:18 amصيت ذايع في الخلا يقطع دروبه ... عمّت أقطــــار الوطن نسمة هبوبه
يـــا عويد القاف قلّي ويش أسوي ... صرت عاجز في كلامي ما أصوبه
في جــــدا رجــــلٍ عظيمٍ أتهجى ... من عظـــيم القول والشعر وخطوبه
سيّدي لو جيت أوصّف ما بوفّي ... حقك وقدرك على راس العـــــروبه
عهدك الزاهر نشرته في بلادك ... وكل روح تقول أبي أمضي لصوبه
تفتديـــك وتفتدي حضرة جنابك ... وكل شخص يسوم روحه فكل نوبه
ياللي عينك ساهره من أجل شعبك ... وعين غيرك بالكرا تغضي تعوبه
نهضتك من راس هرمز لِصلالة ... نهضه طيبه، شامخه، لا ما نعوبه
ياللي حكمت عمان بأسلوب واعي ... وقدت البلاد وشعبها بوجه العذوبه
وآنا ودي أبتدي رحله طويلة ... الفّ طول وعرض هالدولة الرحوبه
لأن علمي اللي أعرفه هوب كافي ... لازم أنظرها بعيوني وأجوبه
وانتشي من فرحتي وامشي جداها ... وادعي الها بالعمار وبالخصوبه
يا عسى الوسمي يبيّح في فلاها ... ويجعل أرض عمان خضراء وطروبه
ومن خلاال المنبر اللي آنا فوقه ... أتكلم عن صحابي منّا صوبه
يا زعيم الشعب منّا لك تهاني ... يا عسى عيد الوطن ينعاد جوبه
وآنا الشاعر أجدم لك سلامي ... يا عسى عمرك يطوّل في حسوبه
