من طرف احنا ضايعين يا ناس
انا زهقت تعبت من الحياة
كل واحد ماشي على هواه
ما في حد سائل شو صاير
وبكلمة خلي مهو مراهق الكل حاير
يا جماعة هاد اشي كبير
لمتى بدنا نسكت علي صار و اللي بصير
المدرسة حاسسها مش مدرسة
الكل فيها على هواه هاي متيسة
قال مدرسة بنات قال
ليش قلولي بس مين هيك قال
يا جماعة انتو مش شايفين
شباب هاي الايام والله ضايعين
على علب الواكس و الجل راكضين
لا هممهم لا امة و لا دين
يا اخي الكريم شو بدك بالبنات
يعني اسمحلي ضروري المعاكسات
والحكي بالتلفون و تشغيل الرنات
اشي هيفا و اشي نانسي و البنات مكيفات
مش عارفات انو هاد حرام
بنحكي كتير بس يا ترى بفيد الكلام
يا جماعة ليش الهاي شو ماله السلام
ولا يعني لازم الفشخرة و الاهتمام
انا مش عارفة وين اروح
مجتمعنا صاير مجتمع مفتوح
الرسول (صلى الله عليه و سلم) غضو البصر
وهاد الامر عادي بس بالمختصر
الغلط علينا مش على الشباب
لمل بتلبسي لبس محزق و جذاب
شو بدو يمنع الشب عن النظر
ولا الموضوع يعني كله اقتصر
على انو هلأ في حرية
يا حبيبتي هاي ازدواجية
لما بتلبسيلي زي ممثلة اجنبية
وانت بنت مسلمة عربية
كيف هيك الامر صار
اي والله الامر زاد وين اهل القرار
عاجبكم الي بصير و الي صار
الشباب وين راحو كلهم طنطات
يا خوفي جيل الشباب بكرة يكون كله قالب على بنات
يا خيو انتا وينك من الصحابة
اي والله كانو اسود و ذيابة
شو بصير فيك لو شافوك هيك
بالواكس و الجل والبدي والسحويلة الخلابة
